Այսօր Թալին խոշորացված համայնքի ղեկավարի առաջին տեղակալ Սերգե Մկրտչյանն աշխատանքային խորհրդակցություն անցկացրեց համայնքի վարչական տարածքների ղեկավարների մասնակցությամբ։
Հանդիպմանը մասնակցեցին համայնքապետարանի ղեկավար կազմը և Թալինի համայնքապետարանի կառուցվածքային ստորաբաժանումների ղեկավարներ ու աշխատակիցներ։
Խորհրդակցության սկզբում ներկայացվեցին օրակարգային մի շարք հարցեր, որոնց շուրջ ծավալվեցին լայն քննարկումներ։ Հանդիպման ընթացքում քննարկվեցին յուրաքանչյուր բնակավայրում մինչ օրս իրականացված, ընթացքի մեջ գտնվող և առաջիկայում նախատեսվող աշխատանքները։ Կարևորվեցին աշխատանքային, կոմունալ, քաղաքաշինական, գյուղատնտեսական և այլ ոլորտային հարցեր։ Անդրադարձ կատարվեց փաստաթղթաշրջանառությանը, հավաքագրումներին, շինարարական աշխատանքներին և այլ թեմաների:
Խորհրդակցությունը հագեցած էր նաև այլ տարաբնույթ թեմաների վերաբերյալ քննարկումներով, բնակավայրերի վարչական ղեկավարները հանդիպման ընթացքում հանդես եկան աշխատանքային զեկուցումներով, հարցերով և առաջարկություններով։
Բնակավայրերում աշխատանքային գործունեությունը համակարգված և արդյունավետ իրականացնելու համար Սերգե Մկրտչյանը տվեց հանձնարարականներ։
|