Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, ՀՀ հողային օրենսգրքի 5-րդ հոդվածով, և հիմք ընդունելով ՀՀ կառավարության 18.05.2006թ. N-912-Ն որոշմամբ հաստատված ինքնակամ կառույցների օրինականացման և տնօրինման կարգի 4-րդ գլխի պահանջները, 18.05.2006թ. N-731-Ն որոշումը, Սեդրակ Խլղաթյանի 10․11․2023թ-ի դիմումը, ինչպես նաև հաշվի առնելով, որ Սեդրակ Խլղաթյանի կողմից Թալին համայնքի, ք.Թալին Ա.Խանջյան փողոց 28/15 ավտոտնակ հասցեում, 02-003-0021-0025 կադաստրային ծածկագրով համայնքային սեփականություն հանդիսացող բնակավայրերի նպատակային նշանակության, բնակելի կառուցապատման գործառնական նշանակության 36քմ հողամասում ինքնակամ կառուցված շինությունը՝ ավտոտնակը կառուցված չէ ՀՀ հողային օրենսգրքի 60-րդ հոդվածի սահմանափակումների ցանկում ընդգրկված հողամասում, չի գտնվում ինժեներատեխնիկական, տրանսպորտային և այլ կոմունիկացիոն օբյեկտների օտարման գոտիներում, չի հակասում քաղաքաշինական նորմերին, չի առաջացնում հարկադիր սերվիտուտ պահանջելու իրավունք և դրա պահպանումը չի խախտում այլ անձանց իրավունքները.
ՈՐՈՇՈՒՄ ԵՄ`
1.Կառուցապատող Սեդրակ Խլղաթյանի կողմից Արագածոտնի մարզ, Թալին համայնք, ք.Թալին Ա.Խանջյան փողոց 28/15 ավտոտնակ հասցեում ինքնակամ զբաղեցրած 02-003-0021-0025 ծածկագրով 36քմ բնակավայրերի նպատակային նշանակության, բնակելի կառուցապատման գործառնական նշանակության հողամասը և հողամասի վրա կառուցված ընդհանուր՝ 36քմ արտաքին մակերեսով շինությունը՝ ավտոտնակը ճանաչել օրինական գույք, որպես քաղաքացի Սեդրակ Խլղաթյանի սեփականություն և
-հողի արժեքը՝ 36քմ x 1221 = 43956 (քառասուներեք հազար ինը հարյուր հիսունվեց) ՀՀ դրամ:
-շինության արժեքը՝ 36քմ x 1209 = 43524 (քառասուներեք հազար հինգ հարյուր քսանչորս) ՀՀ դրամ։
-համայնքապետարանի կողմից գույքի գրանցման հետ կապված ծախսեր`38000 (երեսունութ հազար) ՀՀ դրամ,
-ընդամենը` 125480 (մեկ հարյուր քսանհինգ հազար չորս հարյուր ութսուն) ՀՀ դրամով օտարել Սեդրակ Խլղաթյանին։
2.Սույն որոշումն ուժի մեջ է մտնում վճարման անդորրագրերը ներկայացնելու օրվանից: