ՆԱԽԱԳԻԾ

Ղեկավարվելով ՀՀ Քաղաքացիական օրենսգրքի 188-րդ հոդվածի 2-րդ մասի 2-րդ պարբերությամբ և 4-րդ մասով և հիմք ընդունելով ՀՀ կառավարության 2006թ. մայիսի 18-ի 912-Ն որոշման հավելվածով նախատեսված կարգի 10-րդ, 11-րդ և 22-րդ կետերը, Հովհաննես Վարոսյանի կողմից 21․05.2024թ. Թալին համայնքի ղեկավարին ներկայացված դիմումը, 28․12.2023թ. «Հաշվառման (չափագրման) տվյալների մուտքագրման տեղեկանք»-ը՝ ծածկագիր 2023UVW6NC, և այն հանգամանքը, որ դիմումի առարկա հանդիսացող շինությունը՝ ինքնակամ կառուցված ավտոտնակը կառուցված չէ քաղաքաշինական նորմերի ու կանոնների էական խախտումներով`ստացել է «Ա․Ռ․Մ․ՇԻՆ» ՍՊԸ-ի/լիցենզիա16029/կողմից դրական եզրակացություն, չեն գտնվում ինժեներատրանսպորտային օբյեկտների օտարման կամ անվտանգության գոտիներում, չեն առաջացնում հարկադիր սերվիտուտ պահանջելու իրավունք, նաև դրանց պահպանումը չեն խախտում այլ անձանց իրավունքները և վտանգ չեն ներկայացնում քաղաքացիների կյանքին ու առողջությանը,

ՈՐՈՇՈՒՄ ԵՄ՝

1․Թալին համայնքի Արագածավան բնակավայրի Հոկտեմբերյան խճուղի, 1-ին փակուղի, 1/1 ավտոտնակ հասցեում գտնվող, համայնքային սեփականություն հանդիսացող 02-016-0035-ից կադաստրային ծածկագրով հողամասից առանձնացված 25,54քմ մակերեսով բնակավայրերի նպատակային նշանակության բնակելի կառուցապատման գործառնական նշանակության հողամասի վրա ինքնակամ կառուցված ընդհանուր 25,54քմ արտաքին մակերեսով ավտոտնակը ՝ ճանաչել օրինական գույք, որպես համայնքի սեփականություն:
2․Առաջարկել կառույցն իրականացրած Հովհաննես Վարոսյանի գնել օրինական ճանաչված 25,54քմ ընդհանուր մակերեսով շինությունը՝ 1քմ-ի օտարման համար վճարելով 874 (ութ հարյուր յոթանասունչորս) ՀՀ դրամ, իսկ 25,54քմ հողամասի 1քմ-ի օտարման համար վճարելով կադաստրային արժեքի չափով 514,8 (հինգ հարյուր տասնչորս դրամ ութանասուն լումա) ՀՀ դրամ։
3․Սույն որոշումն ուժի մեջ է մտնում պաշտոնական հրապարակմանը հաջորդող օրվանից: