Օրակարգային մի շարք հարցերի քննարկմամբ տեղի ունեցավ աշխատանքային խորհրդակցություն վարչական ղեկավարների մասնակցությամբ․
Թալին համայնքի ղեկավար Տավրոս Սափեյանը և համայնքապետարանի ղեկավար կազմն այսօր աշխատանքային խորհրդակցություն անցկացրին Թալին համայնքի վարչական տարածքների ղեկավարների մասնակցությամբ։
Հանդիպման օրակարգը հագեցած էր տարաբնույթ հարցերով, ընդհանուր առմամբ քննարկումների առանցքում էին համայնքի խնդիրներն, առաջիկա աշխատանքներն ու ընթացիկ հարցերը։
Ըստ հերթականության, քննարկվեցին օրակարգում ընդգրկված բոլոր հարցերը։ Լայնածավալ քննարկումներ եղան համայնքում իրականացվող գարնանային աշխատանքների շուրջ, մասնավորապես խոսվեց գյուղամիջյան և դաշտամիջյան ճանապարհների բարեկարգման, պուրակների և հասարակական վայրերի բարեկարգման, բնակավայրերի մաքրության և աղբահանության վերաբերյալ։
Հաջորդիվ, համայնքի ղեկավարը ներկաների ուշադրությունը հրավիրեց համայնքում մեկ այլ կարևոր հարցի՝ սելավատարների մաքրում, ջրի բաշխում։ Համայնքի վարչական ղեկավարների հետ քննարկվեցին բնակավայրերին վերաբերող մի շարք առաջնային այլ հարցեր, այդ թվում՝ բնակավայրերի նախագծման աշխատանքների, հավաքագրումների, սուբվենցիաների, կոմունալ, քաղաքաշինական և այլ ոլորտների վերաբերյալ։
Խորհրդակցության ավարտին ամփոփվեցին օրակարգային հարցերը, վարչական ղեկավարները հանդես եկան հարցերով ու առաջարկություններով, ներկայացրին բնակավայրերի խնդիրները, որոնք արձանագրվեցին։ Համայնքի ղեկավարը տվեց աշխատանքային ընթացքը կարգավորող հանձնարարականներ։
|