Ինչպես ամեն երկուշաբթի՝ այսօր ևս, Թալին համայնքի ղեկավար Տավրոս Սափեյանն աշխատանքային խորհրդակցություն էր հրավիրել համայնքապետարանի ղեկավար կազմի և Կոմունալ բաժնի ղեկավարի մասնակցությամբ։

Խորհրդակցության ընթացքում վերլուծվեցին և գծագրվեցին համայնքի ընթացիկ հարցերն ու հրատապ լուծում պահանջող խնդիրները, քննարկվեցին առաջիկա անելիքներն ու հետագա աշխատանքային գործունեությունը։

Հանդիպման ընթացքում քննարկվեցին դաշտամիջյան ճանապարհների, լուսավորության և ջրային ցանցի, աղբահանության, ճանապարհների բարեկարգման, կանաչապատման, կոմունալ, քաղաքաշինական, իրավաբանական, մշակութային և այլ տարաբնույթ թեմաների վերաբերյալ հարցեր։ Քննարկումներ ծավալվեցին առաջիկա գարնանային աշխատանքների և նախագծային աշխատանքների շուրջ։ Համայնքի ղեկավարի կողմից տրվեցին աշխատանքային ընթացքը կարգավորող հանձնարարականներ։