2002 թվականի հունիսի 17-ին ՀՀ կառավարության՝ ի դեմս Արագածավանի գյուղապետ Էդիկ Ամիրխանյանի և <<Գեղարդ-Մսամթերքի կոմբինատ>> ՍՊ ընկերության միջև կնքվել է հողամասի վարձակալության թիվ 103 պայմանագիրը, համաձայն որի համապատասխան վարձավճարի դիմաց <<Գեղարդ-Մսամթերքի կոմբինատ>> ՍՊ ընկերության տիրապետմանն և օգտագործմանն է հանձնվել Արագածավանում գտնվող 214, 215, 216, 217, 218 կոնտուրի 305․0 հա IV կարգի անջրդի վարելահողը և 120 հա IV կարգի խոտհարքը։
Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, Հայաստանի Հանրապետության քաղաքացիական օրենսգրքի 466-րդ հոդվածի 1-ին կետով և հիմք ընդունելով ՀՀ սնանկության դատարանի 30․12․2021թ․ <<Գեղարդ-Մսամթերքի կոմբինատ>> ՍՊ ընկերության սնանկության գործն ավարտելու վերաբերյալ օրինական ուժի մեջ մտած թիվ ԿԴ2/0046/04/15 վճիռը․
ՈՐՈՇՈՒՄ ԵՄ՝
1․Լուծել 2002 թվականի հունիսի 17-ին ՀՀ կառավարության՝ ի դեմս Արագածավանի գյուղապետ Էդիկ Ամիրխանյանի և <<Գեղարդ-Մսամթերքի կոմբինատ>> ՍՊ ընկերության միջև կնքված հողամասի վարձակալության թիվ 103 պայմանագիրը /սեղ. համար 460/:
2.Սույն որոշումն ուժի մեջ է մտնում պաշտոնական հրապարակմանը հաջորդող օրվանից։