Ղեկավարվելով <<Տեղական ինքնակառավարման մասին>> ՀՀ օրենքի 18-րդ հոդվածի  1-ին մասի 21-րդ կետի դրույթներով , հիմք ընդունելով <<ԼՅՈՒՊԻՆ>> երիտասարդական հասարակական կազմակերպության 30.09.2019թ. դիմումը և համայնքի ղեկավարի առաջարկությունը, համայնքի ավագանին որոշում է `

1.Թալին քաղաքում Ինֆոտուն ստեղծելու և գործունեություն ծավալելու նպատակով, Թալին համայնքի սեփականություն հանդիսացող, Գորկու փողոց 13 հասցեում գտնվող նախկին թիվ -2 մանկապարտեզի շենքից  70 քմ տարածք հինգ տարի ժամկետով, անհատույց օգտագործման տրամադրել <<ԼՅՈՒՊԻՆ>> երիտասարդական հասարակական կազմակերպությանը պայմանով, որ հիշյալ կազմակերպությունը իրականացնելու  է հատկացված տարածքի վերանորոգման աշխատանքներ 1,7 մլն դրամի չափով, հոգալու  է շենքի պահպանության ու շահագործման
ծախսերը և ապահովելու է շենքի բակային տարածքի բարեկարգ վիճակը :
2. Սույն որոշումը ուժի մեջ է մտնում ընդունմանը հաջորդող օրվանից: